August 2015 Outing

August 2015: Some of the club members went on an outing to the Theewaterskloof dam. Congratulations to Johan Beyers for taking the winning photo of the day.

Tielman se woorde:

Op Saterdag 1 Augustus 2015 was ons op ‘n fotoklub uitstappie na die Theewaterskloofdam. Die dam is geleë tussen Franschhoek en Villiersdorp net oor die Franschhoekpas. Dit was ‘n heerlike sonnige wintersdag en gelukkig relatief min wind. Ons was 9 fotograwe wat saam gegaan het vir hierdie laatmiddag / sonsondergang foto uitstappie. Elkeen het sy eie rigting ingeslaan en begin eksperimenteer met verskillende hoeke, komposisies en lig verstellings. Natuurlik was daar een of twee wat nie hul e-posse mooi gelees het nie en gevolglik sonder die regte toerusting, nl. driepote en kabeltjies, daar opgedaag het… Soos een van ons ervare lede inderdaad opgemerk het, in die 20 minute na sonsonder neem ‘n mens eintlik van die mooiste fotos, MAAR dan moet jy die regte toerusting het!

Toe dit te donker geword het vir fotos neem, is ons weer die Franschhoekpas oor en die uitstappie afgesluit met ‘n heerlike warm koffie in Franschhoek.

Daar was werklik baie goeie fotos geneem op die uitstappie en almal wat saam was, kan baie trots voel op hul pogings. Die wenfoto van die uistappie is deur Johan Beyers geneem. Baie Geluk!

Sien julle by ons volgende uitstappie!

Foto Groete
Tielman du Toit

April 2015 Outing

April 2015: A few of the club members went to Cape Town in search of graffiti. Congratulations to Mariette van Zyl for taking the winning photo of the day.

February 2015 Outing

February 2015: Some of the club members went to Franschhoek to capture the night life. Congratulations to Pieter Burger for taking the winning photo of the evening.

Maritha se woorde:

Baie dankie aan almal wat ons nagfoto uitstappie na Franschhoek meegemaak het. Te oordeel aan die inskrywings, was dit ‘n groot sukses.

Ons het mekaar by die pizzaplek gekry en eers rustig saam geëet en gekuier (en wyn gedrink – sommiges van ons) Dit was ‘n wonderlike geleentheid om nuwe lede beter te leer ken en lekker te gesels met almal. Ons is spyt oor die lede wat eers later by ons kon aansluit en dus die eerste lekker gemis het!

Vanaf die eetplek is ons na die monument. Omdat Klippies nie daaraan gedink het om vooraf te reël nie, was ons verplig om oor die muurtjie (gelukkig laag genoeg) te klim om nader te kom. Ek het so bietjie oor my skouer bly loer in die afwagting dat sekuriteit my aan my ore gaan kom gryp! Ons het om die monument beweeg in ‘n poging om ‘n unieke hoek te vind vir ‘n kreatiewe foto.

Nadat ons vanuit al die moontlike hoeke fotos geneem het, is ons straat af opsoek na nuwe onderwerpe. Dit is goed om die fotos te bekyk en te sien wat die ander raakgesien het. Laat mens met nuwe oë kyk en help om jou denke kreatief te stimuleer. Op die ou end het net ek, Jacques en Jan oorgebly vir ‘n laaste koffietjie en nabetragting.

Baie geluk aan Pieter Burger met sy wenfoto. Die beoordeelaar het gesê die standaard was hoog en daar was ‘n paar fotos wat in die ry gestaan het om moontlik te wen. Pieter se foto is gekies agv sy komposisie. Die monument is baie simetries en so was Pieter se foto ook. Ons sal jou dophou Pieter, dis tyd om ernstig te begin inskryf!! Die prys is 2 bottels wyn van Rheebokskloof. Dit is deel van die wyn wat ons gekry het vir die fotos wat geneem is vir die Waterblommetjiefees, so tegnies is dit nie ‘n donasie nie. Maar dankie aan Rheebokskloof vir die ruiltransaksie. En weereens dankie aan Johan Joubert wat dit vir ons moontlik maak om pryse te kan gee en vir die fotorame wat deel maak van die prys!

Dit is dan my laaste verslag oor die laaste uitstappie wat ek gereël het. Tielman sal hierdie jaar aan stuur van die uitstappies staan. Die uitstappies kan nie slaag sonder die lede se samewerking nie, so kom ondersteun sy uitstappies. Dis lekker en leersaam. Dankie Tielman vir jou bereidwilligheid om oor te neem by my. Mag dit vir jou net so lekker wees om te doen soos wat dit vir my was.

Groete
Maritha

January 2015 Outing

January 2015: Some of the club members went to Bloubergstrand. Congratulations to Bob de Villiers for taking the winning photo of the day.

Maritha se woorde:

Baie dankie aan al die lede wat deelgeneem het aan ons Januarie uitstappie na Bloubergstrand. Ten spyte van die mis en koue (of dalk agv daarvan) het ons eers by Big Bay by ‘n koffiewinkel gaan koffie (en bier) drink. Daar het ons ‘n geruime tyd vertoef – deels in die hoop dat die weer sal verbeter. Dit het nie eintlik gebeur nie en ons is toe maar later af strand toe, waar ons bene, surfers, honde en ‘n paar ander tonele afgeneem het. Baie geluk dan ook aan Bob wat met sy “beach legs” die uitstappie prys gewen het. Ek het ‘n paar lede hoor sê hulle sal ook maar van nou af bier drink...lol

Daarna is ons terug plaas toe, waar ons vleisie gebraai en lekker saam gekuier het. Weereens baie dankie aan Elretha vir die lekker slaai en knoffelbrode.

Baie dankie aan Bob en Marthie wat die uitstappie-pette geborg het, en aan Johan wat die inisiatief geneem het om dit te laat gebeur. Die pette is baie mooi. Van Februarie se uitstappie af, sal elke lid wat vir die eerste keer ‘n uitstappie of werkswinkel meemaak, ‘n pet kry, wat gedra moet word op die uitstappies. Dis nou sodat sommige lede nie die ander verloor nie.

Wees op die uitkyk, die volgende uitstappie email sal binnekort in jou inbox wees!

Groete
Maritha

Outings

 

We try to organize at least one outing each month. Not only do we learn a lot, but it is also great fun and if you take the best photo for the day, you will win one of the fantastic sponsored prizes. Select the links in the Menu on the right to view the details of the Outings.